“ხალხის პარტიის” თავმჯდომარე კობა დავითაშვილი 26 მაისამდე “კონსერვატიული პარტიის ერთ-ერთი ლიდერის ზვიად ძიძიგურის დაპატიმრებას არ გამორიცხავს. როგორც დღეს გამართულ ბრიფინგზე დავითაშვილმა განაცხადა, გუშინ მას ზვიად ძიძიგურის მეგობრები დაუკავშირდნენ და განუცხადეს, რომ უკვე რამდენიმე დღეა, მათ მიმართ პოლიციის მხრიდან ზეწოლა ხორციელდება, რათა მათ ჩვენება ძიძიგურის წინააღმდეგ მისცენ. “როგორც ჩანს, საუბარია ძიძიგურის 26 მაისამდე დაპატიმრებაზე. ხელისუფლერბამ 26 მაისს დაგეგმილი აქციის შიშით გონი დაკარგა. მოვუწოდებ საზოგადოებას, დავდგეთ ერთად და კიდევ ერთი პოლიტპატიმარი არ დავუშვათ”, – აღნიშნა დავითაშვილმა. ამასთან, მისივე თქმით, “თუკი ძიძიგურის მეზობლებზე კიდევ ერთხელ განხორციელდება ზეწოლა, არ არის გამორიცხული, მათ ჩვენება მის წინააღმდეგ მისცენ და თქვან, რომ ოპოზიციონერმა ლიდერმა არა ჰაერში, არამედ პირდაპირ ხალხს ესროლა”. შეგახსენებთ, რომ საუბარია რამდენიმე დღის წინ ძიძიგურის სახლთან მომხდარ ინციდენტზე, რა დროსაც ძიძიგურმა რამდენჯერმე გაისროლა. მომხდართან დაკავშირებით საქმე ხულიგნობის მუხლით აღიძრა.

[წყარო: "პირWელი"

"ღია ბოქლომის" ფოტო]